معاناتى

snow كتب:السلام عليكم ورحمة الله وبركاته


اسمحيلي يادكتورة اقول لحضرتك معاناتى وياريت لو تقدرى تساعدنى


هبدا الاول بمعلومات بسيطة يمكن تكون مفيده فى التشخيص

عمرى 19

غير متزوجة

الطول حوالى 175 والوزن حوالى 120 ممكن اكتر
بس زيادة الوزن فى الجزء العلوى من الجسم اكثر منها فى الجزء السفلى


المشكلة

انه منذ البلوغ عندى الدورة مش منتظمة ابدا افتكر انها تانى شهر مجتش وبعد كدة لخبطت


بعد كام سنة يمكن 3 سنين رحت لدكتورة هى سمعت منى بس لكن مكنش فى فحوصات ولا تحاليل واديتنى دواء شبه اقراص منع الحمل موجود فى دايرة كده خته لمدة شهر وبعدين فى صيدلى قال لماما توقفه لانى لسه صغيرة وفعلا وقفته

المشكلة ان بعد كده الدورة اتلخبطت اكتر ومبقاش لها مواعيد اعرف اتابعها
المشكلة الاكبر انها بتيجى على شكل نقطة نقطتين فى اليوم وخلاص ممكن يوم متجيش واللى بعده تيجى بس بقت نقط وممكن تقعد فترة طويلة


مشاكل اخرى زيادة شعر الجسم وجود شعر بالذقن البشرة دهنية جدا وحبوب طبعا تساقط كتيييييير فى الشعر

بحاول انزل وزنى بس مش بينزل وبحاول بقالى سنة تقريبا




المشكلة دلوقت مش الدورة او الانجاب لانى لسه متجوزتش بس المشكلة فى الحاجات التانية لان نفسيتى بقت صفر



هل الموضوع ليه حل وهل هو خطير لانى تعبت اوى



خطوات العلاج:

اتباع حمية مناسبة وتخفيض الوزن
عمل اشعه على صوتية على الرحم والمبايض وتحاليل شاملة لهرمونات الجسم
اخذ العلاج المناسب لتنظيم الدورة تحت اشراف طبى

انا اسفة طولت على حضرتك بس دى معاناتى